અમદાવાદ, 

અપૂરતા પાણીના કારણે પાકને બચાવવો મુશ્કેલ બન્યો

વર્ષના આ મહત્વપૂર્ણ તબક્કે હવામાન ક્ષેત્રે ચિંતાજનક અહેવાલો સામે આવી રહ્યા છે. 'અલ નીનો'ની વિપરીત અસરોના કારણે દેશ તથા રાજ્યના અનેક વિસ્તારોમાં ચોમાસા દરમિયાન અપેક્ષિત વરસાદ ન થવાથી દુષ્કાળ જેવી ગંભીર સ્થિતિ સર્જાઈ રહી છે. સામાન્ય રીતે સપ્ટેમ્બર મહિનાના મધ્ય કે અંત સુધીમાં ચોમાસુ વિદાય લેતું હોય છે, અને હાલ ઋતુ પૂરી થવામાં માત્ર ૨૦ થી ૨૫ દિવસ જેટલો જ ટૂંકો સમય બાકી રહ્યો છે, ત્યારે ઘણા વિસ્તારોમાં હજુ પણ જોઈએ તેવું પાણીબિયારણ કે વરસાદનો સારો દોર જોવા મળ્યો નથી.

અનેક વિસ્તારોમાં દુષ્કાળ જેવી સ્થિતિ, હવે સપ્ટેમ્બરના વરસાદ પર મીટ

ચોમાસાના પ્રારંભથી જ વરસાદની અનિયમિતતા રહી છે, જેના કારણે ખેડૂતોના મોઢે આવેલો કોળિયો છીનવાઈ જવાનો ડર ઊભો થયો છે. ખેતરોમાં ઊભેલા પાકને પિયત આપવા માટે પાણીની તીવ્ર અછત વર્તાઈ રહી છે. જળાશયોમાં પૂરતા પ્રમાણમાં પાણી જમા ન થવાથી આગામી દિવસોમાં પીવાના પાણી અને સિંચાઈનો મોટો પ્રશ્ન ઉપસ્થિત થવાની સંભાવના વ્યક્ત કરવામાં આવી રહી છે.
હવામાન નિષ્ણાતો અને ખેડૂતોની નજર હવે માત્ર અને માત્ર સપ્ટેમ્બર મહિનાના અંતિમ ચરણમાં પડનારા વરસાદ પર જ મંડાયેલી છે. જો આ અંતિમ દિવસોમાં મેઘરાજા મહેરબાન નહીં થાય, તો કૃષિ ક્ષેત્રને વ્યાપક નુકસાન વેઠવાનો વારો આવશે. તંત્ર અને ખેડૂતો બંને આ કુદરતી અનિશ્ચિતતા વચ્ચે ચિંતાતુર મુદ્રામાં સ્થિતિ પર નજર રાખી રહ્યા છે.