મુંબઈ,

મુંબઈ હેડક્વાર્ટરથી માર્કેટ રેગ્યુલેટરનું સોશિયલ મીડિયા સામે મોટું એલર્ટ

સેબીએ સ્પષ્ટપણે જણાવ્યું છે કે સોશિયલ મીડિયા અને ખાસ કરીને વૉટ્સએપ પર માત્ર આમંત્રણના આધારે ચાલતા અને ગેરકાયદે રીતે શેર્સ ખરીદ-વેચાણની ટિપ્સ આપતા ગ્રુપ્સથી રોકાણકારોએ સદંતર દૂર રહેવું જોઈએ, કારણ કે આ પ્રકારની પ્રવૃત્તિઓ વ્યાપક નાણાકીય છેતરપિંડી આચરી રહી છે.

મુંબઈ સ્થિત સેબી દ્વારા તાજેતરમાં બહાર પાડવામાં આવેલી અપીલમાં ચેતવણી આપવામાં આવી છે કે આવા નકલી એક્સપર્ટો અને ફ્રોડ ઓપરેટરો સોશિયલ મીડિયા પર ઊંચા રિટર્નની લાલચ આપીને સામાન્ય અને નવા રોકાણકારોને ફસાવે છે. તેથી રોકાણકારોએ કોઈપણ અજાણ્યા કે અનધિકૃત વૉટ્સએપ ગ્રુપની જાળમાં ફસાયા વગર માત્ર સેબી-રજિસ્ટર્ડ સત્તાવાર ફાઇનાન્શિયલ એડવાઇઝર્સની સલાહ મુજબ જ પોતાના રોકાણના નિર્ણયો લેવા, જેથી મૂડી સુરક્ષિત રહે.