ફરહાન અખ્તર અભિનીત અને રજનીશ રેઝી ઘોષ દ્રારા દિગ્દર્શિત ફિલ્મ 120 બહાદુર થિયેટરોમાં રિલીઝ થતાં જ દેશભરમાં ચર્ચાનો કેન્દ્ર બની ગઈ છે. પ્રથમ જ દિવસે દર્શકો અને વિવેચકો તરફથી મળેલા પ્રતિસાદોએ સાબિત કર્યું છે કે ફિલ્મ માત્ર મનોરંજન નથી, પરંતુ દેશભક્તિ, શૌર્ય અને ઐતિહાસિક સત્યનું શક્તિશાળી પ્રતિબિંબ છે. સોશિયલ મીડિયા હોય કે સિનેમા હોલની બહાર ઉભેલી ભીડ—દરેક જગ્યાએ ફિલ્મની પ્રશંસા જ જોવા મળી રહી છે.

એવો સમય છે જ્યારે દેશભક્તિ આધારિત ફિલ્મો પ્રેક્ષકોના હૃદયમાં ખાસ સ્થાન મેળવે છે, ત્યારે 120 બહાદુર ખાસ કરીને તેની વાસ્તવિક ઘટના પર આધારિત કહાનીને કારણે દર્શકોની ભાવનાઓને ઊંડે સુધી સ્પર્શી રહી છે. ફિલ્મ 1962ના ભારત-ચીન યુદ્ધ દરમિયાન રેઝાંગ લામાં થયેલા ઐતિહાસિક યુદ્ધ પર આધારિત છે, જ્યાં 13મી કુમાઉ રેજિમેન્ટના 120 બહાદુર સૈનિકોએ અદમ્ય હિંમત અને અખૂટ શૌર્ય બતાવ્યું હતું.

ફરહાન અખ્તરે ફિલ્મમાં મેજર શૈતાનસિંહ ભાટી (પરમવીર ચક્ર)ની ભૂમિકા ભજવી છે, જેઓએ પોતાના 120 સૈનિકો સાથે મળીને શત્રુના અનવરત હુમલા સામે છેલ્લી ક્ષણ સુધી જોરદાર ટક્કર આપી હતી. મેજર શૈતાનસિંહનું નેતૃત્વ, તેમની હિંમત અને વીરતા આજે પણ ભારતીય સેનાના ઇતિહાસમાં સોનેરી અક્ષરોમાં લખાયેલી છે. ફિલ્મ આ શહીદોના બલિદાનને માત્ર યાદ નથી કરતી, પરંતુ તેને જીવંત અનુભૂતિ તરીકે પ્રેક્ષકોની સામે મૂકે છે.

આવી શક્તિશાળી ફિલ્મ રિલીઝ થતાં જ દિલ્હીની સરકારે પ્રશંસનીય નિર્ણય લીધો છે—120 બહાદુરને કરમુક્ત જાહેર કરવાની જાહેરાત કરી છે. આ નિર્ણયનો મુખ્ય હેતુ એ છે કે વધુમાં વધુ લોકો આ ફિલ્મ જોઈ શકે અને અમારા શહીદોની વીરતા વિશે જાણકારી મેળવી શકે. કરમુક્ત દરજ્જો મળવાથી ટિકિટના ભાવ ઘટશે અને સામાન્ય પરિવારો માટે પણ ફિલ્મ જોવાનું વધુ સરળ બનશે. દેશની જનતા સાથે સાથે, ફિલ્મના નિર્માતાઓ અને સૈનિકોના પરિવારો દ્વારા પણ આ નિર્ણયનું સ્વાગત કરવામાં આવી રહ્યું છે.

ફિલ્મનું નિર્માણ રિતેશ સિધવાણી અને ફરહાન અખ્તરના એક્સેલ એન્ટરટેઇનમેન્ટ દ્વારા કરવામાં આવ્યું છે. ફિલ્મની ટેક્નિકલ ગુણવત્તા, વિશેષ પ્રભાવ, ભાવનાત્મક દૃશ્યો અને યુદ્ધની વાસ્તવિક રજૂઆત દર્શકોને અંત સુધી જોડાઈ રાખે છે. ખાસ કરીને ફિલ્મનો સંદેશ—"હુમ પીછે નહીં હટેંગે"—ભારતીય સેનાની હિંમત અને અડગતા નો પ્રતીક છે.

એક પ્રભાવશાળી કાસ્ટ, શક્તિશાળી દિગ્દર્શન અને ઐતિહાસિક સત્યને સન્માન આપતી કહાનીના કારણે 120 બહાદુર માત્ર ફિલ્મ નથી રેહતી, પરંતુ એક અનુભૂતિ બની જાય છે. દેશપ્રેમ, ફરજ અને બલિદાનની આ અમર કહાનીને લોકો આજે ફરીથી અનુભવી શકે છે અને શહીદોની વિભાવનાનો સન્માન કરી શકે છે.

હવે ફિલ્મ દેશભરના થિયેટરોમાં રિલીઝ થઈ ચૂકી છે, અને દર્શકો મોટી સંખ્યામાં સિનેમાઘરો તરફ વળી રહ્યા છે. દરેક ભારતીય માટે આ ફિલ્મ માત્ર જોવા જેવી જ નહીં, પરંતુ અનુભવવાની છે—કારણ કે આવા શહિદોની ગાથા પેઢી દર પેઢી સુધી પહોંચવી જરૂરી છે.