ગુજરાતમાં ટ્રાફિક વ્યવસ્થા સુધારવા માટે રાજ્ય પોલીસ વિભાગે એક મોટી પહેલ કરી છે. ગુજરાત પોલીસ અને સ્વદેશી નેવિગેશન એપ ‘મેપમાયઇન્ડિયા’ (Mappls) વચ્ચે મહત્વપૂર્ણ સમજૂતી કરાર (MoU) કરવામાં આવ્યો છે. આ કરાર હેઠળ હવે રાજ્યના નાગરિકોને તેમના મોબાઇલમાં જીવંત ટ્રાફિક માહિતી, બંધ રસ્તા, અકસ્માત ઝોન, બ્લેક સ્પોટ્સ, સ્પીડ લિમિટ સહિતની અગત્યની જાણકારી એક ક્લિકમાં મળી રહેશે.

રિયલ-ટાઈમ ટ્રાફિક અપડેટ હવે આંગળીના ટેરવે

મેપમાયઇન્ડિયા દ્વારા ગુજરાત રાજ્ય માટે ખાસ ફીચર્સ ડેવલપ કરવામાં આવ્યા છે. સ્ટેટ ટ્રાફિક બ્રાન્ચ દ્વારા આપવામાં આવેલા બ્લેક સ્પોટ્સ, સંભવિત અકસ્માત ઝોન અને ડાર્ક રોડનો ડેટા એપમાં અપડેટ કરી દેવાયો છે. હવે એપ યૂઝરને મુસાફરી દરમિયાન જોખમી સ્થળોની અગાઉથી સૂચના આપે છે, જેથી અકસ્માતો અટકાવવામાં મદદ મળશે.

તે ઉપરાંત, સ્પીડ લિમિટની માહિતી પણ એપમાં ઉમેરવામાં આવી છે, જેથી વાહનચાલકોને માર્ગની મર્યાદા વિશે ચોક્કસ સમજ મળશે.

બંધ રોડ, રેલી અને રોડ વર્કની માહિતી તરત જ મળશે

MoU મુજબ ગુજરાત પોલીસ હવે મેપમાયઇન્ડિયાને દરરોજ રિયલ-ટાઈમ ટ્રાફિક એડવાઈઝરી પૂરી પાડશે.
આમાં સમાવેશ થાય છે:

• રોડ બંધ હોવાની માહિતી
• રોડ વર્ક, રિપેર અને ખોદકામ
• રેલી, જાહેર કાર્યક્રમો કે વીઆઈપી મૂવમેન્ટ
• ટ્રાફિક ડાઈવર્ઝન
  આ અપડેટ્સને આધારે ડ્રાઈવર વૈકલ્પિક રૂટ પસંદ કરી શકશે અને ટ્રાફિકની મુશ્કેલીમાંથી બચી શકશે.

તમામ જિલ્લાની પોલીસે મેળવી તાલીમ

આ પ્રોજેક્ટને અસરકારક રીતે અમલમાં મુકવા માટે દરેક જિલ્લાની પોલીસને ખાસ વ્હોટ્સએપ ગ્રુપ દ્વારા ડેટા અપડેટ કરવાની તાલીમ આપવામાં આવી છે. હવે દરેક જિલ્લા પોલીસ પોતાની વિસ્તારની ટ્રાફિક સ્થિતિ રિયલ-ટાઈમમાં એપ પર અપડેટ કરશે.

નાગરિકોને એપ ડાઉનલોડ કરવાની અપીલ

ગુજરાત પોલીસએ રાજ્યના તમામ નાગરિકોને Mappls એપ ડાઉનલોડ કરીને તેનો વધુમાં વધુ ઉપયોગ કરવાની અપીલ કરી છે, જેથી મુસાફરી સરળ, સલામત અને ઝડપી બને.

Mappls એપમાં મળતા મહત્વપૂર્ણ ફીચર્સ

• બ્લેક સ્પોટ્સની માહિતી
• અકસ્માત ઝોન
• ડાર્ક અને જોખમી રસ્તાઓ અંગે એલર્ટ
• સ્પીડ લિમિટ
• રિયલ-ટાઈમ ટ્રાફિક એડવાઈઝરી
• નેવિગેશન સાથે સુરક્ષા માહિતી

રિયલ-ટાઈમ અપડેટમાં શું મળશે?

• ટ્રાફિક જામ
• ટ્રાફિક ડાઈવર્ઝન
• રોડ વર્ક/ખોદકામ
• રોડ પરના સ્પીડ બ્રેકર અને ખાડાઓ
• રોડ બંધ થતા વૈકલ્પિક માર્ગ
• વીઆઈપી કાફલો

ગુજરાત સરકારની આ પગલું રાજ્યમાં રોડ સેફ્ટી સુધારવા, અકસ્માત ઘટાડવા અને મુસાફરીને વધુ સુગમ બનાવવા તરફનું મોટું પગલું છે