અયોધ્યા,રામ કથા પાર્કમાં.દક્ષિણ આફ્રિકા, લાઓસ અને ઇન્ડોનેશિયાના કલાકારો દ્વારા રામલીલાનું મંચનપ્રભુ શ્રીરામની નગરી અયોધ્યા ખાતે યોજાનારા અલૌકિક અને ભવ્ય ‘દીપોત્સવ’ પર્વ પહેલાં જ અયોધ્યાના રામ કથા પાર્ક ખાતે સાંસ્કૃતિક કાર્યક્રમોની ભવ્ય તૈયારીઓ શરૂ થઈ ચૂકી છે. આ વખતે દીપોત્સવમાં દક્ષિણ આફ્રિકા, લાઓસ અને ઇન્ડોનેશિયા જેવા દેશોથી આવેલા વિદેશી કલાકારો પ્રભુ શ્રીરામની જીવનગાથાને પોતપોતાની દેશી નૃત્ય અને નાટ્ય શૈલીમાં રજૂ કરશે, જે શ્રદ્ધાળુઓ માટે વિશેષ આકર્ષણનું કેન્દ્ર બનશે. સરયૂ નદીના ઘાટ પર આ વર્ષે પણ લાખો દીવડાઓ પ્રગટાવીને નવો ગિનિસ વર્લ્ડ રેકોર્ડ સ્થાપવાની તૈયારીઓને આખરી ઓપ આપવામાં આવી રહ્યો છે. રામ કથા પાર્કથી લઈને મુખ્ય મંદિર સુધી સમગ્ર અયોધ્યા નગરીને રોશની અને ફૂલોના શણગારથી ઝળહળતી કરી દેવામાં આવી છે.

મુંબઈ,ભારતી એરટેલનું માર્કેટ કેપ ₹૧૩.૦૮ લાખ કરોડ પહોંચ્યું; જિયો ગબડીને ત્રીજા સ્થાને ધકેલાઈ

શુક્રવારે ભારતી એરટેલના શેરમાં નોંધપાત્ર સુધારા સાથે ૧.૬૬ ટકાનો ઉછાળો આવતાં કંપનીના શેરનો ભાવ BSE પર વધીને રૂ. ૨,૧૨૦ ની સપાટીએ પહોંચી ગયો હતો. આ તેજીના જોરે ભારતી એરટેલનું માર્કેટ કેપ વધીને રૂ. ૧૩.૦૮ લાખ કરોડ થઈ ગયું છે. આ સાથે જ એરટેલે જિયો પ્લેટફોર્મ્સને પછાડીને ભારતમાં બીજા નંબરની સૌથી મૂલ્યવાન કંપનીનું સ્થાન ફરી એકવાર પોતાના નામે કરી લીધું છે.બીજી તરફ, તાજેતરમાં લિસ્ટેડ થયેલી જિયો પ્લેટફોર્મ્સના શેરમાં ૦.૯૦ ટકાનો ઘટાડો નોંધાતાં કંપનીનો શેર રૂ. ૧,૪૦૫.૭૫ ના મથાળે બંધ રહ્યો હતો, જેના કારણે તેનું માર્કેટ કેપ ઘટીને રૂ. ૧૨.૯૪ લાખ કરોડ થઈ ગયું હતું. ઉલ્લેખનીય છે કે ૨૮ ઓક્ટોબરે દમાકેદાર એન્ટ્રી બાદ જિયો બીજા ક્રમે પહોંચી હતી, પરંતુ એરટેલે ટૂંકા ગાળામાં જ આ પાછળ છોડી દીધી છે. હાલમાં દેશમાં રૂ. ૧૭.૮૩ લાખ કરોડના માર્કેટ કેપ સાથે રિલાયન્સ ઇન્ડસ્ટ્રીઝ પ્રથમ સ્થાને, ભારતી એરટેલ બીજા, જિયો પ્લેટફોર્મ્સ ત્રીજા, જ્યારે HDFC બેંક (રૂ. ૧૨.૧૪ લાખ કરોડ) ચોથા અને ICICI બેંક (રૂ. ૧૧.૨૬ લાખ કરોડ) પાંચમા ક્રમે છે.

નવી દિલ્હી,ટુ-વ્હીલર અને પેસેન્જર ઇલેક્ટ્રિક વાહનોના વેચાણમાં ૪૫%નો ગ્રોથફેડરેશન ઓફ ઓટોમોબાઈલ ડીલર્સ એસોસિએશન દ્વારા જાહેર કરવામાં આવેલા આંકડા મુજબ, ઓક્ટોબર ૨૦૨૬ દરમિયાન ભારતમાં કુલ ૩,૫૪,૬૨૫ ઇલેક્ટ્રિક વાહનોનું રેકોર્ડબ્રેક વેચાણ નોંધાયું છે. ગત વર્ષના ઓક્ટોબર માસમાં નોંધાયેલા ૨,૪૪,૭૬૪ વાહનોની તુલનાએ આ વર્ષે વેચાણમાં આશરે ૪૪.૮૮%નો મજબૂત વાર્ષિક વધારો નોંધાયો છે.આ ઓક્ટોબર માસમાં ટુ-વ્હીલર વિભાગમાં ૪૮.૪૯% નો વધારો થઈ ૨,૨૪,૦૬૪ યુનિટ્સ અને પેસેન્જર વાહનો (ઈ-કાર) ક્ષેત્રે ૭૬.૪૭% નો નોંધપાત્ર ઉછાળો નોંધાયો છે. આ સાથે ઈ-કોમર્શિયલ વાહનો અને થ્રી-વ્હીલર્સ ક્ષેત્રે પણ વેચાણમાં સર્વકાલીન ઉંચાઈ જોવા મળી છે. ઈંધણના ભાવમાં સતત થતો ફેરફાર, બેટરી રેન્જમાં સુધારો અને વધતી આંતરમાળખાકીય સુવિધાઓને કારણે દેશમાં EV માર્કેટ શેર વધીને ૧૧.૫ ટકા સુધી પહોંચી ગયો છે.

રાંચી/નવી દિલ્હી,નિતિન નબીને રાહુલ ગાંધીની મૌન સંમતિ પર ઉઠાવ્યા ગંભીર સવાલો

ઝારખંડ સરકારના મંત્રી અને કોંગ્રેસના અગ્રણી નેતા ઈરફાન અંસારીએ એવો સનસનાટીભર્યો દાવો કર્યો હતો કે દેશમાં આશરે ૪૦ લાખ યુવાનો રાહુલ ગાંધીના માત્ર એક ઈશારાની રાહ જોઈ રહ્યા છે અને જો સ્થિતિ નહિ સુધરે તો ભારતની હાલત પણ નેપાળ કે બાંગ્લાદેશ જેવી અરાજકતાપૂર્ણ બની શકે છે. આ નિવેદન સામે આવતા જ ભાજપના રાષ્ટ્રીય નેતા નિતિન નબીને કોંગ્રેસના પૂર્વ અધ્યક્ષ રાહુલ ગાંધીને આડેહાથ લેતા સવાલ કર્યો છે કે ઈરફાન અંસારીના આવા ગંભીર અને દેશમાં અસ્થિરતા ફેલાવતા નિવેદન પર તેમની આટલી લાંબી ચુપકીદી શું તેમની 'મૌન સંમતિ' દર્શાવે છે? તેમણે ગંભીર આક્ષેપ કરતા કહ્યું કે કોંગ્રેસ પક્ષ વિદેશી કે દેશી તાકતોના ઈશારે દેશમાં અરાજકતા અને અસ્થિરતાનું વાતાવરણ ઊભું કરવાનો પ્રયાસ કરી રહ્યો છે. આ નવું ભારત છે જે આવી કોઈ પણ અરાજકતા સામે ઝુકશે નહીં.

કોલકાતા,ભાજપ સમર્થકો સામે સાતમી વખત જીવલેણ હુમલાના ગંભીર આક્ષેપ

તૃણમૂલ કોંગ્રેસના રાષ્ટ્રીય જનરલ સેક્રેટરી અને સાંસદ અભિષેક બેનર્જીના કોલકાતા સ્થિત કાળીઘાટ આવાસ પર મોડી રાત્રે અજ્ઞાત તત્વો દ્વારા હુમલો કરવામાં આવ્યો હતો. ઘટના બાદ સત્તાવાર નિવેદન આપતા અભિષેક બેનર્જીએ ભારતીય જનતા પાર્ટીના સ્થાનિક નેતાઓ અને સમર્થકો સામે ગંભીર આક્ષેપો કર્યા છે. તેમણે દાવો કર્યો હતો કે છેલ્લા છ મહિનાના ટૂંકા ગાળામાં તેમના પર થયેલો આ સતત સાતમો જીવલેણ હુમલાનો પ્રયાસ છે. કાળીઘાટ જેવા હાઇ-સિક્યોરિટી ધરાવતા વિસ્તારમાં બનેલી આ ઘટનાથી સ્થાનિક પોલીસ તંત્ર દોડતું થઈ ગયું છે. ઘટના બાદ હુમલાખોરો સામે કડક કાર્યવાહીની માંગ સાથે પોલીસ સુરક્ષા એજન્સીઓએ તપાસનો ધમધમાટ શરૂ કર્યો છે, જ્યારે વિપક્ષી દળોએ આ આક્ષેપોને રાજકીય રીતે પ્રેરિત ગણાવ્યા છે.

મુંબઈ,બોલિવૂડ ડિરેક્ટર રોહિત શેટ્ટીના ઘર બહાર ફાયરિંગ પ્રકરણમાં વોન્ટેડ હતો ગેંગસ્ટરકૂખ્યાત લોરેન્સ બિશ્નોઈ ગેંગના મુખ્ય સાગરીત અને ભારતમાં અનેક ગંભીર ગુનાઓમાં વોન્ટેડ ગેંગસ્ટર હેરી બોક્સરની અમેરિકાના કેલિફોર્નિયા ખાતેથી ઈમિગ્રેશન અને કસ્ટમ્સ એનફોર્સમેન્ટ  એજન્સી દ્વારા અટકાયત કરવામાં આવી છે. હેરી બોક્સર અમેરિકામાં રહીને ભારતમાં લોરેન્સ બિશ્નોઈ ગેંગનું કાળું કારોબાર, ખંડણી અને હત્યા જેવી ગંભીર ગુનાહિત પ્રવૃત્તિઓનું નેટવર્ક ઓપરેટ કરતો હોવાનો સનસનાટીભર્યો ખુલાસો થયો છે.મુંબઈમાં પ્રખ્યાત ફિલ્મ નિર્દેશક રોહિત શેટ્ટીના જુહુ સ્થિત નિવાસસ્થાન બહાર કરવામાં આવેલા ફાયરિંગની જવાબદારી પણ હેરી બોક્સરે સોશિયલ મીડિયા પર લીધી હતી. આ ઉપરાંત બોલિવૂડની અનેક જાણીતી હસ્તીઓને ધમકીભર્યા ઓડિયો મેસેજ મોકલી કરોડો રૂપિયાની ખંડણી માંગવાના કેસોમાં પણ તેનું નામ મુખ્ય આરોપી તરીકે સામે આવ્યું હતું. આ અગાઉ અમેરિકામાં બેસીને ભારતમાં નેટવર્ક ચલાવતા ગેંગસ્ટર હિમાંશુ ભાઉ અને નીરજ ફરીદપુરિયાની પણ અટકાયત કરવામાં આવી હતી.

નવી દિલ્હી,પાકિસ્તાનથી ફેલાયેલા પ્રદૂષણ અને પરાળીના ધુમાડાથી સ્વાસ્થ્ય પર ગંભીર જોખમદિલ્હી તથા નોઈડામાં હવાની ગુણવત્તા (AQI) રેકોર્ડબ્રેક ઊંચી સપાટીએ પહોંચી ગઈ છે, જેમાં નોઈડામાં AQI ૭૭૩ અને દિલ્હીના વિવેક વિહાર, આનંદ વિહાર તેમજ રવીન્દ્ર નગર જેવા વિસ્તારોમાં AQI ૬૭૨ ને વટાવી ગયો છે. પાકિસ્તાનના પંજાબ પ્રાંતમાં મોટા પ્રમાણમાં પરાળી સળગાવવાથી પેદા થયેલો ઝેરી ધુમાડો દિલ્હી સુધી પહોંચતા વાતાવરણમાં પ્રદૂષણનો બોમ્બ ફૂટ્યો છે, જેના કારણે દિલ્હીવાસીઓનું સરેરાશ આયુષ્ય ઘટવાની ગંભીર ચિંતા વ્યક્ત કરવામાં આવી રહી છે.સુપ્રીમ કોર્ટે આ મામેલે સુઓમોટો નોંધ લઈ કડક વલણ અપનાવ્યું છે. દિલ્હીમાં કારખાનાઓ, તમામ પ્રકારના કન્સ્ટ્રક્શન અને ખોદકામ તેમજ ડીઝલ-પેટ્રોલના ભારે લોડિંગ વાહનોના પ્રવેશ પર પ્રતિબંધો અને નિયંત્રણો લાદવામાં આવ્યા છે.

નવી દિલ્હી,દિલ્હી, હરિયાણા અને મહારાષ્ટ્ર સહિતના રાજ્યોમાં BLO ઘર-ઘર સંપર્ક કરીને ફોર્મ ભરાવશેદેશના ૭ રાજ્યોમાં હાલ ચાલી રહેલી મતદાર યાદીની વિશેષ પુનરીક્ષણ પ્રક્રિયા દરમિયાન ડ્રાફ્ટ મતદાર યાદીમાંથી બાકાત રહી ગયેલા પાત્ર નાગરિકો માટે પંચે નવું વિશેષ ફોર્મ જાહેર કરી ફરીથી નામ નોંધાવવા માટે ખાસ ઝુંબેશ ચલાવવાનો આદેશ આપ્યો છે.આ સત્તાવાર નિર્દેશ દિલ્હી, હરિયાણા, મહારાષ્ટ્ર, નાગાલેન્ડ, આંધ્રપ્રદેશ, તેલંગાણા અને ઝારખંડ માટે જારી કરવામાં આવ્યા છે. પંચની સૂચના મુજબ, સંબંધિત ક્ષેત્રના બૂથ લેવલ ઓફિસર એવા તમામ મતદારોનો રૂબરૂ સંપર્ક કરશે જેમના નામ યાદીમાંથી બાદ થયા છે અને તેમને જરૂરી ફોર્મ ભરાવી ફરીથી નામ ઉમેરાવવામાં સંપૂર્ણ મદદ કરશે. આ ઉપરાંત, સ્થાનિક પોલિંગ બૂથો પર પણ બાકાત થયેલા લોકોની યાદી જાહેર કરવામાં આવશે જેથી નાગરિકો ચકાસણી કરી શકે.

બેંગલુરુ,E20ના નામે મિશ્રણનો ખેલ: લેબ તપાસમાં મોટો ઘટસ્ફોટ!કર્ણાટક સરકાર દ્વારા કરાવવામાં આવેલી લેબ તપાસમાં ઈથેનોલ મિશ્રણની માત્રા નિર્ધારિત E20 (20%) મર્યાદા કરતા ઘણી વધારે મળી આવતા ભારે હડકંપ મચી ગયો છે. બેંગલુરુ સહિત રાજ્યના સાત જિલ્લામાંથી લેવાયેલા 63 જેટલા સેમ્પલમાંથી મોટાભાગના સેમ્પલમાં 20 ટકાથી વધુ ઈથેનોલનું મિશ્રણ હોવાનું ખુલાસો થયો છે.લેબ રિપોર્ટની વિગતો અનુસાર, ઈન્ડિયન ઓઈલ કોર્પોરેશન લિમિટેડના સેમ્પલમાં ઈથેનોલની માત્રા સૌથી વધુ એટલે કે 31.2 ટકાથી વધુ નોંધાઈ હતી. આ ઉપરાંત HPCL માં 30.5 ટકા તથા 27 ટકા, BPCL માં 26.5 ટકા, નાયરામાં 26.1 ટકા અને શેલના સેમ્પલમાં 25.5 ટકા ઈથેનોલ મિશ્રિત હોવાનું સામે આવ્યું છે. રાજ્ય સરકારે આ પ્રકારના ઓવર-બ્લેન્ડિંગ સામે કડક કાર્યવાહી, વાહનચાલકોને થતા નુકસાનની ભરપાઈ અને દરેક પેટ્રોલ પંપ પર ઈથેનોલ મિશ્રણની ટકાવારી દર્શાવતું ડિસ્પ્લે બોર્ડ લગાવવાની માગ કરી છે.

કોચી,

SIR વિરુદ્ધ દક્ષિણમાં સંગ્રામ: CEC સામે ઉગ્ર વિરોધદિલ્હીમાં વિરોધના સુર ઊઠ્યા બાદ હવે કોકરોચ જનતા પાર્ટી દ્વારા 7 નવેમ્બરના રોજ કેરળના કોચી ખાતે વિશાળ વિરોધ પ્રદર્શનનું આયોજન કરવામાં આવ્યું છે. લોકશાહી બચાવવાના નામે યોજાનારા આ પ્રદર્શન દરમિયાન મુખ્ય ચૂંટણી કમિશનર  જ્ઞાનેશ કુમાર સામે ભારે આક્રોશ વ્યક્ત કરવામાં આવી રહ્યો છે. સીજેપી દ્વારા ચૂંટણી પંચની નીતિઓ સામે સવાલો ઉઠાવીને મુખ્ય ચૂંટણી કમિશનર જ્ઞાનેશ કુમારને તાત્કાલિક તેમના હોદ્દા પરથી હટાવવાની સ્પષ્ટ અને કડક માગણી કરવામાં આવી છે. દેશભરમાં SIR પ્રક્રિયાને લઈને ઊભેલા વિવાદો વચ્ચે દક્ષિણ ભારતના કોચી શહેરમાં આયોજિત આ મોટું પ્રદર્શન વહીવટી તંત્ર અને રાષ્ટ્રીય રાજકારણમાં ભારે ચર્ચાનો વિષય બન્યું છે.

નવી દિલ્હી,આધાર વેરિફિકેશનમાં યુઆઈડીએઆઈનો નવો ડિજિટલ નિયમ લાગુયુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) દ્વારા નાગરિકોની સુરક્ષા અને ગોપનીયતાને ધ્યાનમાં રાખીને હવેથી દેશભરમાં હોટલ, હોસ્પિટલ તેમજ અન્ય ખાનગી સંસ્થાઓ કે ઇવેન્ટ આયોજકો દ્વારા ગ્રાહકો કે દર્દીઓ પાસે આધાર કાર્ડની ભૌતિક (ફિઝિકલ) અથવા ડિજિટલ ફોટોકોપી જમા લેવામાં આવશે નહીં. અગાઉ વારંવાર આધાર કાર્ડની ઝેરોક્ષ આપવાને કારણે વ્યક્તિગત માહિતીના દુરુપયોગનું જોખમ રહેતું હતું, જેને રોકવા માટે આ કડક પગલું ભરવામાં આવ્યું છે.નવા નિયમ અનુસાર, ઓળખની ચકાસણી માટે હવે આધાર કાર્ડ પર ઉપલબ્ધ ક્યુઆર કોડ સ્કેન કરીને અથવા ડિજિટલ માધ્યમથી સુરક્ષિત પ્રક્રિયા અપનાવવામાં આવશે. કોઈપણ હોટલ કે સંસ્થા આ માહિતીને પોતાના ડેટાબેઝમાં સ્ટોર પણ કરી શકશે નહીં. આ નવી ડિજિટલ વ્યવસ્થાથી છેતરપિંડી તથા ડેટા લીક થવાની શક્યતાઓમાં મોટો ઘટાડો થશે.

મુંબઈ,ઈમેલ દ્વારા ધમકી મળતા સુરક્ષા એજન્સીઓ દોડતી થઈ, હાઈ-પ્રોફાઈલ સ્થળો પર તપાસ 

બોમ્બે હાઈકોર્ટને મળેલા એક ગંભીર ધમકીભર્યા ઈમેલમાં બોલિવૂડના મહાનાયક અમિતાભ બચ્ચનનો પ્રખ્યાત જુહુ સ્થિત બંગલો 'જલસા', બોમ્બે હાઈકોર્ટ, બોમ્બે સ્ટોક એક્સચેન્જ (BSE) અને વર્લી રેસકોર્સ જેવા અતિ-સંવેદનશીલ તેમજ હાઈ-પ્રોફાઈલ સ્થળોને બોમ્બથી ઉડાવી દેવાની ગર્ભિત ચેતવણી આપવામાં આવી છે.આવો સંદેશ મળતાં જ મુંબઈ પોલીસ અને સુરક્ષા એજન્સીઓ તાત્કાલિક હરકતમાં આવી ગઈ હતી. સંબંધિત તમામ સ્થળો પર પોલીસ કાફલો ખડકી દેવામાં આવ્યો છે અને બોમ્બ સ્કવોડ દ્વારા સઘન તપાસ હાથ ધરવામાં આવી રહી છે. સાઈબર સેલની મદદથી આ ધમકીભર્યો ઈમેલ મોકલનાર અજાણ્યા શખ્સનું આઈપી એડ્રેસ અને લોકેશન ટ્રેસ કરવાની કાર્યવાહી તેજ કરવામાં આવી છે.

નવી દિલ્હી / ગીર સોમનાથ,હાઇકોર્ટે આપેલા વચગાળાના સ્ટે સામેની અરજી ફગાવી; બે માસમાં અપીલનો નિકાલ કરવા નિર્દેશ

પ્રથમ જ્યોતિર્લિંગ સોમનાથ મંદિરની આસપાસના વિસ્તારમાં નોનવેજ ખાદ્યપદાર્થોના વેચાણ અને સંગ્રહ પરના પ્રતિબંધ મામલે ગુજરાત હાઇકોર્ટની ડિવિઝન બેન્ચે સોમનાથ મંદિર આસપાસ નોનવેજ પરના પ્રતિબંધ પર આપેલા વચગાળાના સ્ટે સામે સુપ્રીમ કોર્ટે કોઈ પણ પ્રકારનો હુકમ કે હસ્તક્ષેપ કરવાનો સ્પષ્ટ ઇનકાર કરી દીધો છે. સુપ્રીમ કોર્ટે અપીલકર્તાઓને હાઇકોર્ટમાં જ પોતાની રજૂઆત કરવા જણાવીને બે મહિનાની અંદર આ અપીલ પતાવવા માટે નિર્દેશ આપ્યો છે.જિલ્લા તંત્ર અને રાજ્ય સરકાર દ્વારા સોમનાથ મંદિર આસપાસના વિસ્તારમાં નોનવેજ વેચાણ પર પ્રતિબંધ મૂકતું જાહેરનામું બહાર પાડવામાં આવ્યું હતું. આ જાહેરનામાને હોટેલ અને રેસ્ટોરાં સંચાલકોએ હાઇકોર્ટમાં પડકારતાં સિંગલ જજ જસ્ટિસ નિશા ઠાકોરની બેન્ચે પ્રતિબંધ રદ કર્યો હતો. જોકે, રાજ્ય સરકારે મુખ્ય સરકારી વકીલ જી. એચ. વિર્ક મારફતે  ચીફ જસ્ટિસ મનાશ રંજન પાઠક અને જસ્ટિસ નિરઝર દેસાઈની ડિવિઝન બેન્ચ સમક્ષ અપીલ કરતાં ડિવિઝન બેન્ચે સિંગલ જજના આદેશ પર રોક લગાવીને પ્રતિબંધ યથાવત રાખ્યો હતો.

રાજકોટ, 'નમો ટ્રક' પરેડનું મુખ્ય આકર્ષણ: રાજકોટના રીંગ રોડ પર ભવ્ય આયોજનથી શહેરીજનોમાં ઉત્સાહરાજકોટના જાણીતા અને લોકપ્રિય એવા રેસકોર્સ રીંગ રોડ પર આગામી શનિવાર અને રવિવાર દરમિયાન એક ભવ્ય તથા આકર્ષક ટેબ્લો કાર્નિવલનું વિશેષ આયોજન કરવામાં આવ્યું છે. તહેવારોની મોસમમાં શહેરીજનોને મનોરંજન પૂરું પાડવા અને સાંસ્કૃતિક માહોલ ઊભો કરવાના હેતુસર યોજાનાર આ કાર્નિવલને લઈને લોકોમાં ભારે કુતૂહલ અને ઉત્સાહ જોવા મળી રહ્યો છે.આ અનોખા કાર્નિવલની પરેડમાં વિશેષરૂપે તૈયાર કરાયેલો 'નમો ટ્રક' મુખ્ય અને વિશેષ આકર્ષણનું કેન્દ્ર બનશે. આ ઉપરાંત, વિવિધ કલાકારો દ્વારા પ્રસ્તુત થતી સાંસ્કૃતિક ઝાંખીઓ અને સુંદર ટેબ્લો રિંગ રોડ પર ભ્રમણ કરશે.

રાજકોટ,દેશ-વિદેશથી ઉમટશે જૈન-જૈનેતર ભક્તો, પવિત્ર હવનમાં જોડાવા ભારે ઉત્સાહકાળી ચૌદશના પાવન અવસરે ગાંધીનગર જિલ્લામાં આવેલા પ્રસિદ્ધ યાત્રાધામ મહુડી ખાતે જૈન શાસન રક્ષક વીર શ્રી ઘંટાકર્ણવીર દાદાના વાર્ષિક મહાહવનનું અનોખું અને વિશેષ મહત્વ રહેલું છે. દર વર્ષની જેમ આ વર્ષે પણ કાળી ચૌદશના દિવસે આયોજિત આ પવિત્ર હવનમાં ભાગ લેવા અને દાદાના દર્શન-પૂજન કરવા માટે દેશ તેમજ દુનિયાભરમાંથી મોટી સંખ્યામાં જૈન અને જૈનેતર શ્રદ્ધાળુઓ મહુડી ધામ ખાતે આવી પહોંચશે.મહુડી ધામ ખાતે કાળી ચૌદશે યોજાતા આ મહાહવનમાં દર્શન અને પૂજા કરવાથી ભક્તોની તમામ મનોકામનાઓ પૂર્ણ થાય છે તેવી દ્રઢ શ્રદ્ધા અને લોકમાન્યતા છે. દાદા ઘંટાકર્ણવીરના આ ધાર્મિક મહોત્સવને લઈને મંદિર ટ્રસ્ટ અને વહીવટી તંત્ર દ્વારા શ્રદ્ધાળુઓ માટે રહેવા, જમવા અને સુચારુ દર્શન વ્યવસ્થા સહિતની વ્યાપક તૈયારીઓ પૂર્ણ કરી દેવામાં આવી છે.

રાજકોટ,

કિંમતોમાં ઘટાડા વચ્ચે સોના-ચાંદીના સિક્કા અને હળવા દાગીના ખરીદવા ગ્રાહકોની ભારે ભીડ

ધનતેરસના પાવન પર્વ નિમિત્તે સોના-ચાંદીના બજારમાં શુકનવંતી ખરીદીનો અદભુત માહોલ જામ્યો છે. રાજકોટ સહિત રાજ્યભરના મુખ્ય ઝવેરીબજારમાં વહેલી સવારથી જ ગ્રાહકોની ભારે ચહલપહલ જોવા મળી રહી છે. તાજેતરમાં સોના અને ચાંદીના ભાવમાં નોંધાયેલા સાનુકૂળ ઘટાડાને કારણે ગ્રાહકોમાં ખરીદીને લઈને ભારે ઉત્સાહ અને આનંદનો વાતાવરણ ઊભો થયો છે.આ શુભ પ્રસંગે ખાસ કરીને સોના-ચાંદીના સિક્કાઓ, લક્ષ્મી-ગણેશજીની મુર્તિઓ તથા હળવા વજન ધરાવતી મનમોહક ડીઝાઇનના આભૂષણોની માંગમાં અભૂતપૂર્વ વધારો થયો છે. જ્વેલર્સની દુકાનોમાં અવનવી ડિઝાઇનના દાગીનાઓની ખરીદી કરવા માટે લોકો મોટી સંખ્યામાં ઉમટી રહ્યા છે. વેપારીઓના જણાવ્યા મુજબ, ભાવમાં ઘટાડો અને તહેવારોનો માહોલ હોવાથી ઝવેરીબજારમાં વેપાર ધમધોકાર ચાલી રહ્યો છે અને આ શુકનની ખરીદીને પગલે બજારમાં કરોડો રૂપિયાનો કારોબાર થવાની શક્યતા વ્યક્ત કરાઈ છે.

જૂનાગઢ,ગીરનાર પરિક્રમા પર જળસંકટ: તંત્ર સમક્ષ નવો પડકારજૂનાગઢ સ્થિત ગીર જંગલ વિસ્તારમાં યોજાતી આ પરિક્રમા દરમિયાન શ્રદ્ધાળુઓને પીવાના પાણીની ભારે અછતનો સામનો કરવો પડી શકે છે, જેને લઈને વહીવટી તંત્ર અને વન વિભાગની ચિંતાઓમાં વધારો થયો છે. પાણીની આ વિકટ પરિસ્થિતિ વચ્ચે લાખો ભક્તોની સુરક્ષા અને વ્યવસ્થા જાળવવી તંત્ર માટે એક મોટો પડકાર બની રહ્યો છે.પરિક્રમાના રૂટ પર પાણીના સ્ત્રોતો ખૂટવાના આરે હોવાથી, તંત્ર દ્વારા યાત્રાળુઓની સુવિધા અને સ્વાસ્થ્યને ધ્યાનમાં રાખીને એક મહત્વપૂર્ણ અપીલ કરવામાં આવી છે. જે અંતર્ગત શ્રદ્ધાળુઓને ખાસ અનુરોધ કરાયો છે કે તેઓ આ મુશ્કેલ યાત્રામાં નાના બાળકો અને વૃદ્ધોને સાથે લાવવાનું ટાળે, જેથી અગવડતાથી બચી શકાય.

નવી દિલ્હી,ટેલિકોમ રેગ્યુલેટર દ્વારા નવું સત્તાવાર પોર્ટલ લોન્ચ

ટ્રાઈ દ્વારા એક નવું વિશેષ ઓનલાઈન પોર્ટલ રજૂ કરવામાં આવ્યું છે, જેના માધ્યમથી હવે મોબાઈલ વપરાશકર્તાઓ પોતાના ચોક્કસ વિસ્તાર કે લોકેશનમાં કઈ કંપનીનું નેટવર્ક સૌથી ઝડપી અને શ્રેષ્ઠ કનેક્ટિવિટી આપે છે તેની માહિતી મેળવી શકશે. આ નવા કવરેજ પોર્ટલના માધ્યમથી ગ્રાહકો રિલાયન્સ જિયો, ભારતી એરટેલ અને વોડાફોન આઈડિયા જેવી પ્રમુખ ટેલિકોમ કંપનીઓ દ્વારા પૂરી પાડવામાં આવતી 4G અને 5G સેવાઓની સ્પીડ અને સિગ્નલ મજબૂતીની રીઅલ-ટાઈમ માહિતી સરળતાથી ચકાસી શકશે. ટ્રાઈના આ પગલાથી માત્ર ગ્રાહકોને યોગ્ય નેટવર્ક પસંદ કરવામાં સરળતા રહેશે તેવું નથી, પરંતુ કંપનીઓ વચ્ચે પણ સેવાઓની ગુણવત્તા સુધારવા માટે હરીફાઈ વધશે.

રાજકોટ,દિવાળી નિમિત્તે શાસક અને વિપક્ષના સભ્યોના નામ સાથેના એકસરખા કાર્ડથી અપાઈ  શુભકામનાઓ

રાજકોટ મનપાના ઇતિહાસમાં પ્રથમ વખત શાસક પક્ષ ભારતીય જનતા પાર્ટી  અને વિરોધ પક્ષ કોંગ્રેસના તમામ મળીને કુલ 72 કોર્પોરેટરોને કોઈપણ પક્ષીય કે રાજકીય ભેદભાવ વગર એક સરખા સન્માન સાથે દિવાળીના શુભકામના કાર્ડ પર નામ લખી તમામને તે કાર્ડ પાઠવવામાં આવ્યા છે.સામાન્ય રીતે રાજકારણમાં સત્તા અને વિપક્ષ વચ્ચેના મતભેદો જગજાહેર હોય છે, પરંતુ આ વખતે દિવાળીના પવિત્ર તહેવાર નિમિત્તે રાજકીય ભેદભાવની દીવાલો તોડી નાખવામાં આવી છે.અગાઉના વર્ષોમાં તહેવારો નિમિત્તે મોકલવામાં આવતા શુભેચ્છા કાર્ડ્સ કે પ્રોટોકોલમાં સત્તાધારી પક્ષ અને વિપક્ષના નગરસેવકો વચ્ચે અલગ-અલગ ભેદભાવ રાખવામાં આવતો હતો. પરંતુ આ વખતે રાજકોટ મનપા તંત્ર દ્વારા તમામ 72 કોર્પોરેટરોને એક સમાન દરજ્જો આપીને દિવાળી કાર્ડ મોકલવામાં આવ્યા છે, જેને લઈને આખો રાજકીય માહોલ સકારાત્મક બન્યો છે.

નવી દિલ્હી,દિલ્હીના બદલે હવે વિશાખાપટ્ટનમમાં રમાશે પ્રથમ મુકાબલોભારત અને શ્રીલંકા વચ્ચે આગામી 13 ડિસેમ્બરના રોજ યોજાનારી પ્રથમ વનડે મેચના આયોજન સ્થળમાં ભારતીય ક્રિકેટ કંટ્રોલ બોર્ડ દ્વારા મોટો અને મહત્વપૂર્ણ ફેરફાર કરવામાં આવ્યો છે. દિલ્હીમાં શિયાળા દરમિયાન વધતા ઝેરી પ્રદૂષણ, હવામાનની અનિશ્ચિતતા અને અરુણ જેટલી સ્ટેડિયમમાં ચાલી રહેલા સમારકામને ધ્યાનમાં રાખીને આ મેચ હવે દિલ્હીના બદલે વિશાખાપટ્ટનમના ACA-VDCA ક્રિકેટ સ્ટેડિયમ ખાતે રમાડવાનો નિર્ણય લેવાયો છે.

દિલ્હી એન્ડ ડિસ્ટ્રિક્ટ ક્રિકેટ એસોસિએશન દ્વારા મેચ ખસેડવા માટે BCCI ને ખાસ વિનંતી કરવામાં આવી હતી જેનો સ્વીકાર કરીને બોર્ડે મેચ વિશાખાપટ્ટનમ શિફ્ટ કરી છે, જોકે આ મુથૂટ ફિનકોર્પ વનડે શ્રેણીના પ્રથમ મુકાબલાની તારીખમાં (13 ડિસેમ્બર) કોઈ ફેરફાર કરવામાં આવ્યો નથી.