નવી દિલ્હી,

વ્હાઈટ હાઉસે જારી કર્યું 13 મુદ્દાનું ઘોષણાપત્ર: રાષ્ટ્રપ્રમુખ ક્યારેય લડવાનું બંધ નહીં કરે

અમેરિકામાં યોજાયેલી મધ્યવર્તી (મિડટર્મ) ચૂંટણીમાં ડેમોક્રેટિક પાર્ટીએ મોટી જીત મેળવીને સત્તાના સમીકરણો બદલી નાખ્યા હોવા છતાં, રાષ્ટ્રપ્રમુખ ડોનાલ્ડ ટ્રમ્પના મિજાજ અને વલણમાં કોઈ નરમાઈ જોવા મળી નથી. વ્હાઈટ હાઉસે અત્યંત આક્રમક રુખ અપનાવતા સ્પષ્ટ શબ્દોમાં જણાવી દીધું છે કે, તેમનું પ્રશાસન કોઈપણ ભોગે પીછેહઠ નહીં કરે અને યુદ્ધ તથા નીતિગત લડાઈઓ ચાલુ રહેશે.

આ રાજકીય પરિસ્થિતિ વચ્ચે વ્હાઈટ હાઉસે 13 મુદ્દાનું એક વિશેષ અને કડક ઘોષણાપત્ર જાહેર કર્યું છે. આ ઘોષણાપત્રમાં જણાવવામાં આવ્યું છે કે રાષ્ટ્રપ્રમુખ ટ્રમ્પ ક્યારેય લડવાનું બંધ કરશે નહીં, જે દ્વારા વિરોધીઓ અને મીડિયા આલોચકો પર સીધુ નિશાન સાધવામાં આવ્યું છે. વ્હાઈટ હાઉસે દાવો કર્યો છે કે આગામી સમયમાં વિપક્ષી ડેમોક્રેટ્સ સરકારના નિર્ણયોને પલટવાના પ્રયાસો કરશે, પરંતુ સરકાર પોતાની નીતિઓનું રક્ષણ કરવા માટે સંપૂર્ણપણે તૈયાર છે.