દુનિયાભરમાં મહિલાઓમાં સોલો ટ્રાવેલિંગનો ટ્રેન્ડ ઝડપથી વધી રહ્યો છે. પરંતુ એકલા પ્રવાસ માટે જગ્યા પસંદ કરતી વખતે સુરક્ષા સૌથી મહત્વપૂર્ણ મુદ્દો બની રહે છે. આ વચ્ચે જ્યોર્જટાઉન ઇન્સ્ટિટ્યૂટ અને પીસ રિસર્ચ ઇન્સ્ટિટ્યૂટ ઓસ્લો દ્વારા પ્રકાશિત કરવામાં આવેલ Women, Peace and Security (WPS) Index 2025–26માં મહિલાઓ માટે વિશ્વના સૌથી સુરક્ષિત દેશોની યાદી જાહેર કરવામાં આવી છે.

આ રિપોર્ટમાં કુલ 181 દેશોને મહિલાઓની સુરક્ષા, ન્યાય અને સામાજિક-આર્થિક ભાગીદારી જેવા 13 માપદંડોના આધારે રેન્ક આપવામાં આવી છે. આ યાદીમાં ભારત 131મા સ્થાને છે, જે દર્શાવે છે કે મહિલાઓની સુરક્ષા મામલે દેશને હજુ ઘણું કામ કરવાની જરૂર છે.
 

મહિલાઓ માટે વિશ્વના ટોપ 10 સુરક્ષિત દેશો:
 

1. ડેનમાર્ક
આ યાદીમાં પ્રથમ સ્થાને ડેનમાર્ક છે. અહીં મહિલાઓને ઊંચી સામાજિક સુરક્ષા, આર્થિક સ્વતંત્રતા અને રાજકીય પ્રતિનિધિત્વ મળે છે. મજબૂત નીતિઓ અને વિશ્વાસપાત્ર સિસ્ટમને કારણે સોલો ટ્રાવેલ માટે આ દેશ શ્રેષ્ઠ માનવામાં આવે છે.
 

2. નોર્વે
નોર્વેમાં જાતિ સમાનતા અને સુરક્ષા બંને ઊંચા સ્તરે છે. કડક કાયદા અને કલ્યાણકારી યોજનાઓ મહિલાઓને સુરક્ષિત બનાવે છે.
 

3. આઇસલેન્ડ
ઓછા ક્રાઇમ રેટ અને પ્રગતિશીલ નીતિઓ માટે આઇસલેન્ડ જાણીતું છે. અહીં મહિલાઓ માટે કામકાજ અને જીવન બંને ક્ષેત્રમાં સમાન તક મળે છે.
 

4. સ્વીડન
સ્વીડન મહિલાઓ માટે ન્યાય અને સમાનતાને પ્રાથમિકતા આપે છે. અહીંની મજબૂત ઇન્ફ્રાસ્ટ્રક્ચર અને સુરક્ષા વ્યવસ્થા પ્રવાસીઓને વિશ્વાસ આપે છે.
 

5. ફિનલેન્ડ
ફિનલેન્ડ શિક્ષણ અને સામાજિક સમાનતામાં આગળ છે. રાજકારણ અને સમાજમાં મહિલાઓની સક્રિય ભૂમિકા અહીંના સુરક્ષિત વાતાવરણનું કારણ છે.
 

6. લક્ઝમબર્ગ
નાણાકીય સ્વતંત્રતા અને ઝડપી ન્યાય પ્રણાલી લક્ઝમબર્ગને ખાસ બનાવે છે. ઓછો ગુનાખોરી દર અહીંનું મુખ્ય પ્લસ પોઇન્ટ છે.
 

7. બેલ્જિયમ
શિક્ષણ અને રોજગારમાં મહિલાઓની ભાગીદારી ઊંચી હોવાથી બેલ્જિયમ સુરક્ષિત દેશોમાં સ્થાન મેળવે છે.
 

8. નેધરલેન્ડ
વર્ક-લાઇફ બેલેન્સ અને સેફ પબ્લિક ટ્રાન્સપોર્ટ માટે નેધરલેન્ડ જાણીતા છે. સોલો ટ્રાવેલર્સ માટે આ દેશ અનુકૂળ છે.
 

9. ઓસ્ટ્રિયા
સ્થિર શાસન અને સારી જાહેર સુવિધાઓને કારણે ઓસ્ટ્રિયા પ્રવાસ માટે સુરક્ષિત છે.
 

10. ન્યૂઝીલેન્ડ
પ્રકૃતિ અને સુરક્ષા બંને માટે ન્યૂઝીલેન્ડ પ્રસિદ્ધ છે. અહીંનું મૈત્રીપૂર્ણ વાતાવરણ મહિલા પ્રવાસીઓને આકર્ષે છે.