નવી દિલ્હી,

પાકિસ્તાન, બાંગ્લાદેશ અને અફઘાનિસ્તાનના લઘુમતીઓ તેમજ નેપાળ-ભૂતાન સરહદેથી આવતા મુસાફરો માટે નિયમો કડક

ગૃહ મંત્રાલય દ્વારા જાહેર કરવામાં આવેલા નવા નોટિફિકેશન મુજબ, અફઘાનિસ્તાન, પાકિસ્તાન અને બાંગ્લાદેશમાંથી ભારતમાં આવતા છ બિન-મુસ્લિમ લઘુમતી સમુદાયોના લોકો માટે હવે ભારતમાં વસવાટ કરવા અર્થે યોગ્ય શ્રેણીનો કાયદેસરનો વિઝા મેળવવો અનિવાર્ય અને ફરજિયાત બનાવી દેવામાં આવ્યો છે.

આ નવા કડક નિયમોની અસર હિન્દુ, સિખ, બૌદ્ધ, જૈન, પારસી અને ખ્રિસ્તી સમુદાયના એવા લોકો પર પડશે જેઓ ધાર્મિક પીડન અથવા તેના ભયથી ભારતમાં પ્રવેશ્યા હતા અને જેમની પાસે કાયદેસરના મુસાફરી દસ્તાવેજોનો અભાવ હતો અથવા તો મુદત પૂરી થઈ ગઈ હતી. આ ઉપરાંત, નેપાળ અને ભૂતાનના રસ્તેથી મુસાફરી કરતા નાગરિકો માટે પણ ઓળખકાર્ડ અને પાસપોર્ટના નિયમો વધુ સખત બનાવી દીધા છે.